Лексикон на кулинарски поими

А

Алатка за лупење

Алатката за лупење е кујнски прибор кој служи за лупење на зеленчук и може да се купи во сите поголеми продавници. Ако ја немате, можете да го излупите зеленчукот со остар нож.

Г

Грил тава

Грил тавата што е наменета за пржење, а целата нејзина површина е покриена со испакнати ребрасти линии. Благодарение на ребрастата површина, месото не е во директен контакт со маснотиите, туку термички се третира под дејство на топлината, односно го поприма препознатливиот вкус на скара.

Д

Динстање

Динстање е техника на готвење која служи за омекнување на тврди парчиња на месо или влакнести намирници. Намирниците прво се пропржуваат, а потоа се полеваат со малку течност (100-200мл) и термички се обработуваат во поклопен сад на тивок оган.

З

Зоврива/врие

Зовривање или вриење е термичка обработка на намирниците во која течноста преминува од течна во гасовита состојба. Со овој процес се намалува количината на течноста, а може да се препознае по немирната површина полна со меурчиња.

К

Котлет

Котлетот е парче месо од свински или јагнешки ребра, а најпопуларни начини за подготовка се печење, пржење и похување.

Крчкање

Крчкање на тивок оган е уште една фраза на која може да се наиде во рецептите. Во моментот кога јадењето во тава или лонец ќе зоврие, потребно е да се намали оганот доволно сосотојќите да не се лепат на дното на садот и на површината да се појават ситни меурчиња. Ако јадењето се пени или нивото се качува кон врвот на садот, оганот е прејак и потребно е дополнително да се намали.

М

Маринада

Маринада е ароматична мешавина од оцет, масло, вода и разни додатоци во која се положуваат парчињата месо или риба за да се збогати нивниот вкус, омекне ткивото и продолжи трајноста.

Маринирање

Маринирање е процес во кој месото или рибата се оставаат некое времеда лежат потопени во маринада за да се збогати нивниот вкус, омекне ткивото и продолжи трајноста.

Миксер/Маталка

Миксер или маталка е кујнски алат кој служи за мешање на намирниците, а може да се купи во сите поголеми продавници. Благодарение на дизајнот, миксерот со леснотија ја рзбива структурата на намирницата што ја прави идеална за матење на јајца или мешање на прашкасти работи во течни јадења. Миксерот може да се замени со вилушка, но за ист резултат ќе ви биде потребно многу повеќе мешање.

П

Појак/потивок оган

Во рецептите често може да се наиде на описни фрази кои тешко можат да се дефинираат, а најчесто меѓу нив е со сигурност готвење на појак/потивок оган. Бидејќи јачината на оганот зависи од уредот и варира од модел до модел, важно е да се разбере која е целта на поедините методи. Суштината на термичката обработка на појак оган е создавање на крцкава, запечена кора на површината на намирницата. Доколку намирницата темнее побрзо и се почувстува непријатен мирис на загореност, тоа значи дека оганот е прејак и потребно е малку да се намали. Послаб оган служи за готвење и динстање на намирниците. При готвењето на послаб оган намирниците не би требало да се лепат на дното на садот, а течноста во тавата или лонецот би требало да врие, но не и да се пени.

Прелие/зоврие/преврие

Овие три синоними се однесуваат на фаза во која течноста во јадењата преминува од мирна состојба во состојба во која течноста се претвора во водена пареа, а ја карактеризира немирна површина со големи меури кои брзо се појавуваат и ги снемува.

Пржење

Пржење е постапка на термичка обработка во која намирниците ги положуваме на загреано масло со цел затворање на порите на површината и спречување на губење на течноста. Оваа метода обезбедува мекост и сочност на внатрешноста на намирницата па најчесто се користи за подготова на месо и зеленчук.

С

Сад за печење

Сад за печење или ватростален сад е сад изработен од материјал отпорен на високи температури бидејќи при изложување на топлина не доаѓа до промена на волуменот на материјалот.

Ч

Чук за месо

Чукот за месо е основната кујнска алатка на секој љубител на месо. Процесот во кој се толчат парчињата месо со чук се користат за разредување на мускулните влакна и сврзното ткиво, кои, ако се остават, може да го направат месото тешко и жилаво.

Ш

Шницла

Шницла е тенко исечено парче месо кое обично се истолчува со чук за месо, а потоа се похува или пржи.

Штипалки

Штипaлките се уште една неизбежна алатка за сите вистински љубители на сочни стекови. Кога подготвувате пофини парчиња месо на тава, целта е да ги зачувате сите сокови од месото така што внатрешноста нема да се исуши. Кога месото се врти така што со помош на вилушка, доаѓа до оштетување на ткиво и отворање на ситните пори преку кои течноста од месото излегува и испарува. Затоа е препорачливо да се користат штипалки со кои вешто се врти парчето месо и плус не ја оштетуваат храната.

Ја почитуваме вашата приватност

За да работи правилно нашата страница и постојано за да ги подобруваме нашите услуги, ние користиме колачиња. Во случај да сакате да ја оневозможите употребата на колачиња, некои делови од страната може да станат недостапни. Прочитајте ги деталите во Услови за користење.

Типови на колачиња: Технички, Маркетинг

Поставки